మనసులోని మలినాలను కడుగుతోంది దిగులుమబ్బు
బతుకుజడిలొ అలలపైన తేలుతుంది దిగులుమబ్బు
ఊహలలో మలయజమై ఆశఊసులాడుతున్న
సంతోషపు వీచికలను తరుగుతోంది దిగులుమబ్బు
భావిబతుకు దారులలో విరులెన్నో పరుచుకున్న
సౌరులన్ని సడలిపోవ వరలుతోంది వాయుమబ్బు
హాయిబంచు ఆశలతో మదివిహగము మురిసియాడ
కలలగతము కలవరమై పొరలుతోంది పరువుమబ్బు
సెలయేటివెల్లువయ్యి చెలగిదుంకు శేఖరుమది
కలతలెన్నొ ముసురుకుంటు వరలుతోంది వలపుమబ్బు
No comments:
Post a Comment