దేశభక్తి (గజల్)

 వాగ్దేవి సాహితీ వేదిక గజల్ పోటీ కొరకు

అంశము: దేశభక్తి

పేరు: రాజశేఖర్ పచ్చిమట్ల

        జగిత్యాల 

 9676666353

ఇది నాస్వీయరచన.ఇదివరకెక్కడా ప్రచురించిబడలేదని హామీ ఇస్తున్నాను.

--   -  -  -  -   -   -   -   -   -   -   

లోకమంత భూతదయతొ మెలుగుటయే దేశభక్తి

మనుషులంత మానవతతొ మసలుటయే దేశభక్తి

పొంగిపొరలె వాహినులై(సెలయేళ్లుగ) సాగి పోతే లాభమేమి

చలిచెలిమై దాహార్తులు తీర్చుటయే దేశభక్తి

నింగినంట శాఖలుగా విస్తరించ ఫలితమేమి

పుఢమినంటి క్షుద్బాధలు దీర్చుటయే దేశభక్తి

తేనెటీగ వైధనమును గూడబెట్ట ఫలితమేమి

పేదవారి దారిద్ర్యము తుంచుటయే దేశభక్తి

నిరంతరం కడలివయ్యి ఘోషించిన ఫలితమేమి

మేఘమయ్యి ఉరిమికురిసి పారుటయే దేశభక్తి

దలారులై శ్రమదోపిట దండుకుంటె ఫలితమేమి

సేద్యకాని చెమటవిలువ పెంచుటయే దేశభక్తి

అధినేతగ అందినంత దోచుకొంటె లాభమేమి

సైనికుడై మాతృభూమి కాయుటయే దేశభక్తి

ఊసువోక రాసుకుంటే ఫలితమేమి కవిశేఖర

రచనలతో దేశగతిని మార్చుటయే దేశభక్తి

ఆరోజు ( నాన్న నిష్క్రమణ)

 

మిన్నువిరిగి మీద వడినరోజు

కాళ్లకింద నేల కుంగి పాతాళానికి పడినరోజు

ఆశల సౌధం ఆసాంతం కూలినరోజు

గుండెసంద్రంలో అలలన్నీ ఆగినరోజు

కలలన్నీ కరిగి కన్నీరైన రోజు

నా వెయ్యేనుగుల బలందొలగి ఒంటరైన రోజు

మా నాన్న మాకు దూరమైన రోజు

సాధ్యమేనా (గజల్)

 గజల్ 

శిలలన్నీ ప్రతిమలుగా ప్రభవించుట సాధ్యమేన మనుషులంత మహాత్ములై వెలుగొందుట సాధ్యమేన

ఊహలన్ని పెనుగాలికి ఏకమేడ లైకూలెను 

కాలముతో సాగకుండా ఎదురించుట సాధ్యమేన

సాంకేతిక ముసుగులోన సమాజగతి దాగున్నది అభివృద్దిని కాంచకుండ నిదురించుట సాధ్యమేన 

అజ్ఞానపు అగాథాలు అడుగడుగున ప్రతిఘటించ 

ప్రత్యామ్నయ ప్రగతిబాట పయనించుట సాధ్యమేన 

మానవతను మరచిపోయి మనుగడసా గించుటేల 

మమత లేక మనషులుగా జీవించుట సాధ్యమేన

తోలుబొమ్మ లాడించుట సూత్రధారి పనితనమే ఆజ్ఞ మీరి క్షణమయినా మనగలుగుట సాధ్యమేన

అపజయాల చింతనలో కవిరాజుకు కలతెందుకు తెగినగాలి పటమిలలో పైకెగురుట సాధ్యమేన

పచ్చిమట్ల రాజశేఖర్

చెలినవ్వు (గజల్)

 కలతలన్ని చెదిరేలా విరుస్తోంది చెలినవ్వూ

ఆస్వర్గపు తలుపులనే తెరుస్తోంది చెలినవ్వూ

ప్రణయదారి మండుటెండ పదేపదే బాధించిన

అదరారుణ తివాచీని పరుస్తోంది చెలినవ్వూ

సుఖదుఃఖపు తరంగాలు సుడిదిరిగే సంద్రములో

నానావకు తెరచాపై నడుస్తోంది చెలినవ్వూ

ఆశరాల్చు శిశిరంలో తనువుబిరుసు బారువేళ

మనసుచెణికె చిరుజల్లై కురుస్తోంది చెలినవ్వూ

ఎందరున్న ఏకాకివె కవిరాజా నీవిలలో

ఏకాంతపు చీకట్లను చెరుస్తోంది చెలినవ్వూ

ప్రత్యేకత (గజల్)

శరత్తులో చంద్రికనై వెలగాలని ఉందినాకు

వసంతాన కోయిలనై పాడాలని ఉంది నాకు

ఇరుకుహృదిలొ ఇముడలేక తొంగితొంగి చూస్తున్నా

వేసవిలో మల్లియనై విరియాలని ఉందినాకు

వెల్లువలో పల్లవమై వెరచివణికి పోతున్నా

వెచ్చనినీ మదిగదిలో ఒదగాలని ఉందినాకు

చెలరేగే అలనీవై ముంచెత్తా లనిజూచిన

నినునాతో దరిజేర్చగ నడవాలని  ఉందినాకు

నీఒడిలో కైవల్యపు సంద్రముంది నిజమేనట

ఆస్వర్గపు తీరాలను చేరాలని ఉంది నాకు

నిత్యమునను నిందించే నరజాతిలొ ఇముడలేను

ఒంటరిగా తుంటరినై ఆడాలని ఉంది నాకు 

నలుగురిలో ఒకరిలాగ నీవెందుకు కవిరాజా

బాతులలో హంసతీరు మెరవాలని ఉంది నాకు

వీరుడిలా బతికేస్తా గజల్

 విధిరాతను ఎదురిస్తూ వీరుడిలా బ్రతికేస్తా

కష్టాలకు చిరునగవుతొ బదులిస్తూ బ్రతికేస్తా

బాధలు భేదించలేని పాషాణం నాహృదయం

రాతిగుండె కాఠిన్యం చూపిస్తూ బతికేస్తా

సమస్యలే చుట్టుముట్టి సుడిగుండం రేపుతున్న

చేపలాగ వరదల్లో ఈదేస్తూ బతికేస్తా

గెలుపు ఓటములు రెండూ గిలిగింతలు పెడుతున్నా

ఆశావహ నింగిలోన విహరిస్తూ బతికేస్తా

నీరూపం గజల్

 మనసులో భావాలను పోత పోస్తే నీ రూపం

మరువలేని జ్ఞాపకాలు పాట రాస్తే నీ రూపం

విరిజాజులు చివురాకులు తూగవసలు నీసొగసుకు

సందెవేళ సౌరభాలు విరబూస్తే నీరూపం

కోకిలలూ తుమ్మెదలతొ పోల్చలేను మధురవాక్కు

మధుమాసపు సుధలగ్రోలి యాలపిస్తే నీరూపం

విరబూసిన చంద్రికలే సరిపోలవు నీవదనము

రత్నాలను యేరితెచ్చి రాసివేస్తె నీరూపం

నీఊసులు మరువలేక ఊహలలో బతుకుతున్న

తీయనైన కలు చూసి కవితరాస్తె నీరూపం

నింగిలోన తెలిమబ్బుల తొంగిచూస్తె నీరూపం