చెలినవ్వు (గజల్)

 కలతలన్ని చెదిరేలా విరుస్తోంది చెలినవ్వూ

ఆస్వర్గపు తలుపులనే తెరుస్తోంది చెలినవ్వూ

ప్రణయదారి మండుటెండ పదేపదే బాధించిన

అదరారుణ తివాచీని పరుస్తోంది చెలినవ్వూ

సుఖదుఃఖపు తరంగాలు సుడిదిరిగే సంద్రములో

నానావకు తెరచాపై నడుస్తోంది చెలినవ్వూ

ఆశరాల్చు శిశిరంలో తనువుబిరుసు బారువేళ

మనసుచెణికె చిరుజల్లై కురుస్తోంది చెలినవ్వూ

ఎందరున్న ఏకాకివె కవిరాజా నీవిలలో

ఏకాంతపు చీకట్లను చెరుస్తోంది చెలినవ్వూ