కపటవటువు

పూటగడుపుటకు

నానా పాట్లుపడే

గంజిమెతుకులకై

నిరంతరం శ్రమించే!

కష్టించడం

కనికరించడం తప్ప

వంచించడ మసలే యెరుగని

మట్టిమనుషుల ముందు

 పుట్టమన్నలికిన

పూరి పాకల ముంగిట

కొత్త బిచ్చెగాళ్లు

కొలువుదీరిండ్రు!

నీతులు వల్లిస్తూ

నిన్ను ధనవంతుని జేసి

నీముందు కపట వటువై

 కైైమోడ్చి నిలుచుండ్రు!

అంంతలోని పొంంగిపోయి
అడిగినవన్నీ ఇచ్చేయకు,

పైని తెలుపును వొలిచి

లోపలి నలుపును కనిపెట్టు

నడతను పుటంబెట్టి

సొక్కమును గుర్తెరిగి

ఆచితూచి అడుగేయ్ !

ఆలోచించి ఓటేయ్ !

మంచివాడిలా వంచించే

నాయకుల యెదలో

ప్రజాస్వామ్య తూటాను దించేయ్!