Tuesday, April 6, 2021

రామధీక్షా పరాయణుడు

 సీసం:1

 రోమరోమమ్మునా రామనామముదాల్చి

భక్తితో కొనియాడు భక్తుడెవరు?


వానర మ్ములలోన వాసియై వెలుగొంది

సవ్యసాచిగవెల్గు సచివుడెవడు?


రామదుఃఖముబాప రామజాడవెదుక

సంద్రమ్ము దాటిన సాహసెవడు?


సౌమిత్రి రక్షింప సంజీవినినిదెచ్చి

వైధేయతనుచాటు వినయుడెవడు?


ఎవరు బాపె రామ డెందపు తాపమ్ము

యెవరు సీత జాడ వెదికి తెచ్చె

ఎవరు చూడ బనుప వేగిరమ్మునజని

ఎవరు కాల్చి వచ్చె లంకనగరి


సీసం: 2

కృష్ణవాంఛనుదీర్చ కురుక్షేత్ర యుద్ధాన

అర్జున ధ్వజముపై అంకురించె


రథశూన్యుడవంటు రామున్ని తులనాడ

రామరథమయితా రణముజొచ్చె


సీతమ్మ నుదుటిపై సింధూర మునుజూచి

తనువెల్ల దాల్చిన దాసవరుడు


అభయమొసగినట్టి యాయాతి రక్షింప

ప్రభువుతో పోరిన భక్తవరుడు


కష్టకాలమందు గాచె సుగ్రీవున్ని

శనికి దాపునిచ్చి శరణు గాచె

రామరామయనుచు రణమందు తానిల్చి

అస్త్ర శస్త్ర ములను అణచె హనుమ

No comments: