తీయనైన జ్ఞాపకాల వెల్లువనయి విరిసాను
చెలిజాబిలి వెన్నెలలో తడిసి నేను మురిసాను
చిరుప్రాయపు చిలిపిపనులు గిలిగింతలు పెడుతుంటే
మోయలేని భారంతో పండుముదిమి మురిసాను
వాగుపొంగు వయసులోన విరబూసిన వసంతాలె
అలసిసొలసి అరుగువేళ దౌడుతలచి మురిసాను
బిగితప్పిన తనుముసిరిన వణుకుతున్న కడదశలో
కాపుదశలొ తులతూగిన తళుకుతలచి మురిసాను
ఋతురాజము వసంతమని కవిశేఖరు కామించిన
షడ్తుతువుల సరసతను పిలిచివలచి మురిసాను
No comments:
Post a Comment