గజల్

 అక్షరాలు పేర్చనిదే పదములెలా ప్రభవించును

భావాలను కూర్చనిదే కవితలెలా ప్రభవించును

పదేపదే మదిలోతున సంఘర్షణ జరగనిదే

సమస్యలను యెదుర్కునే యుక్తులెలా ప్రభవించును

అనునిత్యం లోలోపల ఆలాపన చేయనిదే

సమ్మోహన మొనరించెడు గాత్రమెలా ప్రభవించును

ఒంటినిండ దెబ్బలెన్నొ ఓర్పుతోడ సైచనిదే

చూపరులను ముగ్ధుజేయు శిల్పమెలా ప్రభవించును

ఒకరినొకరు తలచుకుంటు మనసుగతిని యెరుగనిదే

కలకాలం నిలిచియుండె ప్రేమయెలా ప్రభవించును