సంఘర్షణ(గజల్)

వానచినుకు కురిసేందుకు మేఘమెంత కరగాలో
మొలక చిగురువేసేందుకు విత్తుయెంత నలగాలో

ఆనింగిని కమ్మేసిన చీకట్లను తరిమేందుకు
ఆకసాన అద్దినట్టి తారలెంత మెరవాలో

పసిపాపల ముసినవ్వులు మనముంగిట మెరియుటకు
తల్లితనువు అణువణువూ బాధనెంత భరించాలో

జగతిలోని సంఘటనలు కవిమదిలో నలిపోయి
కవితలుగా వెలయుటకూ వేదనెంత భరించాలో

(పుఢమితనువు పచ్చదనము)/
పచ్చదనపు ప్రకృతినీ కవిశేఖరు గాంచుటకు
మెత్తనైన మట్టిపొరల గాయమెంత కలగాలో