వలపుసమీరం(గజల్ )

చెలియకనులు సంధించిన చూపుశరము తాలగలన
మృదుమోవిని జాలువారు పరుషపదము తాలగలన

వసంతాన విరులసిరులు వర్షించే మేఘమాల
విరహపువీవెనలూపెడు వడగాలుల తాలగలన

చెలితలపుల నదితరగల చెలగిచెలగి ఈదులాడ
ఊటచెలిమయెదలోతులొ సుడిగుండము తాలగలన

నింగినుంచి తొంగిచూచు జాబిలంటి జానకనుల
అలమటించి యంబరమై వర్షించిన తాలగలన

యెదసరసున ఓలలాడు సరోజమౌ కవిశేఖరు
మదగజమ్ము సృష్టించే ప్రళయక్రీడ తాలగలన