నడిచే దేవుళ్లు

అవనిపై నడయాడే అపర దేవతారూపాలు
మన ఆశలుదీర్చే అమృతభాండాలు
చెమటను చమురుగజేసి సత్తువంత వత్తిజేసి
మన బతుకున వెలుగునింప  కరిగిపోవు దీపాలు
వారిఆశల నణుచుకొని వారసుల భవితను కలగంటారు
నీ యెదుగుదలకు అట్టడుగున నిలిచి పునాదవుతారు
నీఓటమి తాలూకు వేదనకు బాసటవుతారు
నింగికెగసిన నిన్నుచూసి పొంగిపోతారు
భంగపాటును చూసివారు కుంగిపోతారు
జగతి నిన్ను ప్రశంసిస్తే హర్షిస్తారు
నీఉనికిని విమర్శిస్తే వర్షిస్తారు
రెక్కవిదిల్చి మనమెగిరిపోతే మదన పడుతారు
మళ్లీమళ్లీ త్యాగాలకు ఒడిగడుతారు!

రాజశేఖర్ పచ్చిమట్ల
31-12-19