గజల్

నిండుచంద్రుని వెదకడంలో రాత్రులెన్నో గడిచిపాయె
నీకోసం నిరీక్షణలో దినములెన్నో గడిచిపాయె

మావరాకను మదిన తలచి హృదయద్వారము తెరిచివుంచితి
రాజకొమరుడు రాకలేకనే రాత్రులెన్నో గడిచిపాయె

నీటియద్దము తెరలమీదనీ
మోముచందురు గాంచజూచితి
అలల కదలిక లాగకుండనే
రాత్రులెన్నో గడిచిపాయె

పూలవనమును కలియదిరిగితి సీతకోక చిలుకనై
వదనారవిందం వెతుకుటలో వనములెన్నో దాటిపాయె

నిశికన్నెల నిజరూపం కవిరాజుకు గనపడకనే
ఊహలలో ఊగిసలతో రోజులెన్నో గడిచిపాయె