(గజల్) చిరునవ్వే

చిరునవ్వే పలకరింపు చిరునామగ బతకాలి 

కనుచూపే తోటివారి కాదరణగ నిలవాలి 

ఊసుపోని మాటలతో నిలువదులే స్నేహమ్మిల 

ఆపదలలో నాచెలిమికి చేయూతగ మిగలాలి 

నిశిరాతిరి బూచిజూపి భయపెట్టకు భావినలా 

పథమునడుచు అడుగులెంట ప్రదీపికగ వెలగాలి 

అనంతమౌ పయనంలో నీరసించి నిలువనేల

చిక్కులన్ని విప్పుకుంటు చక్కగ నువు నడవాలి

కవ్వింతల వలపుఝరిలొ మునుగుటేల కవిశేఖర

నొప్పించక మెప్పించుచు ఇరుమనసులు మురవాలి