దృశ్యకవిత 1

ఏకాగితం చూసిన గాందితాత నవ్వుతున్న చిత్రమే

గాని అందుకునే ప్రయత్నంజేసే మనిషి ముఖంలో నవ్వులేదు

ఏకాగితానికైనా ఉన్నోడే గావాలె

లేనోడి ఛాయనైనా భరించలేదు

కరెన్సీ కాగితం ధనవంతుల చేతుల్లో విలాసంగా కాలుతుంది గాని

మురిపెంగ దాచుకొనే పేదోని ప్రేమను పొందలేదు

శ్రీమంతుల ఇనప్పెట్టెల ముక్కవట్టాలనే ఆశ తప్ప

పేదవాని అంగిజేబులుండే చెమట వాసనక్కర్లేదు

ఐశ్వర్యవంతుల అహార్యంపై మోజుపెంచుకున్న పైసా

పేదవాని మంగులంపెంక మొకం

మసిగుడ్డలను సహించలేకున్నది

పచ్చిమట్ల రాజశేఖర్ 

9676666353