గజల్ (ఆవసంత)

 ఆవసంత కోయిలమ్మ మూగవోయె నెందుకో

ఆపచ్చని ప్రకృతినేడు ఆకురాల్చె నెందుకో

మనిషిబతుకు యెండమావి నీటిచెమ్మ లేకున్నా

కోరికలే గుర్రాలై పరుగుదీసె నెందుకో 

వలపురాణి చెలిమిలేక వయసన్నది వాడుతున్న

ఆవసంత మాసాంతం విరహవేదనెందుకో

బంధాలే పాశాలై వేదిస్తూ వెలివేసిన

అనుబంధపు ఆనవాల అన్వేషణ లెందుకో

 ఆకసాన చుక్కలదొర వెలుగులెన్ని పంచినా

కవిశేఖరు మదిచీకటి కమ్ముకున్న దెందుకో