రంగులకేళీ హోళీ (గేయం)

 సింగిడి రంగుల హోళీ

బంగరు హంగుల కేళీ॥2॥

సప్తవర్ణముల సమరసభావన మదిలోమెరిసే కోలాహలీ కామునికేళీ హోళీ మన్మథబాణము హోళీ

చ1:

అగ్గిరవ్వల మోదుగుపూవులు అందించెనులే కాషాయమ్మును

మిలమిల మెరిసే మల్లెలుమొల్లలు

మనకిచ్చినవీ తెల్లనిరంగును

ముద్దుగవిరిసిన మందారమ్ములు

అందించినవీ అరుణవర్ణమును

అన్నిరంగులూ కలిసినహోళీ ఆనందాలు మొలిసిన కేళీ

చ2:

నల్లని ఆకాశమ్మందించిన నలుపువర్ణమేహోళీ

కమ్మనిరాగాలాలపించేటి పిల్లతెమ్మెరలె హోళీ

పచ్చనిపైరులు ప్రేమగనిచ్చిన హరితవర్ణమే హోళీ

చెంగున గెంతే లేగలమూతికి

పాలనురగలే హోళీ

చ3:

వెన్నెల వెలుగులు హోళీ 

బంగరు సంధ్యలు హోళీ ॥2॥

నింగిల మేఘపు నీలివర్ణమై

తొంగిచూసినది హోళీ

చ4:

బంతుల పసుపే హోళీ

కెందామరలే హోళీ॥2॥

రాగరంజితపు రమ్యోద్యానము

విరిసిన సిరులే హోళీ రంగులమయమీ కేళీ ॥2॥