పాడుకాలం దాపురించిన్నాటి నుండి
బతుకుబండి నడుత్తలేదు
మూడుచక్రాలు రోడుమీద
చక్కర్లుగొడితెనే మూప్పూటల తిండి
లేనినాడు అంతేసంగతి
కరోనాకాలంల జనం కాళ్లకు సంకెళ్ళేసె
మూడుగీరెలకు తాళాలేసె
మంది నడువకపాయె
గీరెలు దిరుగకపాయె
అయినా జీవనచక్రం ఆగదాయె
కందెనలేని గీరెతీర్గ
పొంటెకోతీరు ఒర్రవట్టె
ఇంటికాడి గోసచూత్తె
కళ్లనీళ్లు కారవట్టె
ఏదేవుడు కరుణించాలె
మాగోసలెవలకర్థం గావాలె
No comments:
Post a Comment