కోటి తారల కొంగొత్త వెలుగుల పండుగ
ఇలపై వెలచిన లక్ష్మీరూప సిరుల పండుగ
నోచిన నోములు ఫలము లొసగేలా
వెన్నెలలు విరబూయు దీపాళి పండుగ!
నింగిన మెరిసిన చుక్కలనేరి
మిలమిల మెరిసే మెరుపులనేరి
పడతుల చేతిలో సౌరులు దీరి
ముంగిట వెలసెను ముగ్గుగ మారి!
అంజనమోలె పరుచుకున్నట్టి నిశిలో
అలలై ఎగిసిన అమవస తామసిలో
కందెన పులిమిన చీకటి చీల్చుతు
మిణుగురులై టపాసులు ఎగసె చీకటిలో
No comments:
Post a Comment