ఉట్టి

పూరి గుడిసెలో
పెంకుటింట్లో
నట్టనడుమ
ఉట్టిమీద బువ్వకుండ
ఊగుతుంది ఊయల!


కుక్క పిల్లులు
కాల్గాలిన పిల్లులై తిరుగుతూ
లొటపెట పెదాలకు నక్కాశపడ్డట్టు
ఊరిళ్లూరుతుంటయి!

ఆకాశంలో వేలాడే ఉట్టి
అందదు యెలుకకు పిల్లికి
భద్రతకు భరోసా ఉట్టి
నమ్మకానికి నమూనా ఉట్టి!

ఉట్టిమీది కూడు వట్టిపోదు
గాదెల్ల దిన్సుకు తెగుల్రాదు
మనతాత ముత్తాతల
మేథస్సు సజీవసాక్ష్యం!
పూరిగుడిసెల
ఒంటరిగా ఊగుతుంది ఉట్టి
మూడుకాళ్ల ముసలితీరు!