సాధ్యమేనా (గజల్)

 గజల్ 

శిలలన్నీ ప్రతిమలుగా ప్రభవించుట సాధ్యమేన మనుషులంత మహాత్ములై వెలుగొందుట సాధ్యమేన

ఊహలన్ని పెనుగాలికి ఏకమేడ లైకూలెను 

కాలముతో సాగకుండా ఎదురించుట సాధ్యమేన

సాంకేతిక ముసుగులోన సమాజగతి దాగున్నది అభివృద్దిని కాంచకుండ నిదురించుట సాధ్యమేన 

అజ్ఞానపు అగాథాలు అడుగడుగున ప్రతిఘటించ 

ప్రత్యామ్నయ ప్రగతిబాట పయనించుట సాధ్యమేన 

మానవతను మరచిపోయి మనుగడసా గించుటేల 

మమత లేక మనషులుగా జీవించుట సాధ్యమేన

తోలుబొమ్మ లాడించుట సూత్రధారి పనితనమే ఆజ్ఞ మీరి క్షణమయినా మనగలుగుట సాధ్యమేన

అపజయాల చింతనలో కవిరాజుకు కలతెందుకు తెగినగాలి పటమిలలో పైకెగురుట సాధ్యమేన

పచ్చిమట్ల రాజశేఖర్

చెలినవ్వు (గజల్)

 కలతలన్ని చెదిరేలా విరుస్తోంది చెలినవ్వూ

ఆస్వర్గపు తలుపులనే తెరుస్తోంది చెలినవ్వూ

ప్రణయదారి మండుటెండ పదేపదే బాధించిన

అదరారుణ తివాచీని పరుస్తోంది చెలినవ్వూ

సుఖదుఃఖపు తరంగాలు సుడిదిరిగే సంద్రములో

నానావకు తెరచాపై నడుస్తోంది చెలినవ్వూ

ఆశరాల్చు శిశిరంలో తనువుబిరుసు బారువేళ

మనసుచెణికె చిరుజల్లై కురుస్తోంది చెలినవ్వూ

ఎందరున్న ఏకాకివె కవిరాజా నీవిలలో

ఏకాంతపు చీకట్లను చెరుస్తోంది చెలినవ్వూ

ప్రత్యేకత (గజల్)

శరత్తులో చంద్రికనై వెలగాలని ఉందినాకు

వసంతాన కోయిలనై పాడాలని ఉంది నాకు

ఇరుకుహృదిలొ ఇముడలేక తొంగితొంగి చూస్తున్నా

వేసవిలో మల్లియనై విరియాలని ఉందినాకు

వెల్లువలో పల్లవమై వెరచివణికి పోతున్నా

వెచ్చనినీ మదిగదిలో ఒదగాలని ఉందినాకు

చెలరేగే అలనీవై ముంచెత్తా లనిజూచిన

నినునాతో దరిజేర్చగ నడవాలని  ఉందినాకు

నీఒడిలో కైవల్యపు సంద్రముంది నిజమేనట

ఆస్వర్గపు తీరాలను చేరాలని ఉంది నాకు

నిత్యమునను నిందించే నరజాతిలొ ఇముడలేను

ఒంటరిగా తుంటరినై ఆడాలని ఉంది నాకు 

నలుగురిలో ఒకరిలాగ నీవెందుకు కవిరాజా

బాతులలో హంసతీరు మెరవాలని ఉంది నాకు

వీరుడిలా బతికేస్తా గజల్

 విధిరాతను ఎదురిస్తూ వీరుడిలా బ్రతికేస్తా

కష్టాలకు చిరునగవుతొ బదులిస్తూ బ్రతికేస్తా

బాధలు భేదించలేని పాషాణం నాహృదయం

రాతిగుండె కాఠిన్యం చూపిస్తూ బతికేస్తా

సమస్యలే చుట్టుముట్టి సుడిగుండం రేపుతున్న

చేపలాగ వరదల్లో ఈదేస్తూ బతికేస్తా

గెలుపు ఓటములు రెండూ గిలిగింతలు పెడుతున్నా

ఆశావహ నింగిలోన విహరిస్తూ బతికేస్తా

నీరూపం గజల్

 మనసులో భావాలను పోత పోస్తే నీ రూపం

మరువలేని జ్ఞాపకాలు పాట రాస్తే నీ రూపం

విరిజాజులు చివురాకులు తూగవసలు నీసొగసుకు

సందెవేళ సౌరభాలు విరబూస్తే నీరూపం

కోకిలలూ తుమ్మెదలతొ పోల్చలేను మధురవాక్కు

మధుమాసపు సుధలగ్రోలి యాలపిస్తే నీరూపం

విరబూసిన చంద్రికలే సరిపోలవు నీవదనము

రత్నాలను యేరితెచ్చి రాసివేస్తె నీరూపం

నీఊసులు మరువలేక ఊహలలో బతుకుతున్న

తీయనైన కలు చూసి కవితరాస్తె నీరూపం

నింగిలోన తెలిమబ్బుల తొంగిచూస్తె నీరూపం

ఆశావాదం గజల్

 దరిచేరని గమ్యానికి దిగులెందుకు నేస్తమా

కాచుకున్న కష్టాలకు వెరపెందుకు నేస్తమా

శిశిరంలో రాలితేనె వసంతమై పూస్తుందీ

చేజారిన విజయాలకు చింతెందుకు నేస్తమా

పాలకడలి విషమువెనుక అమృతపొంగు పొరిలినదీ

ఫలితముకై రేబవళ్ళు కలతెందుకు నేస్తమా

వెలుగువెంటె చీకట్లూ నిశిదాటితె ఉషోదయం

కృషిచేసిన వృధా కాదు గుబులెందుకు నేస్తమా

సరసుశిరసు మాడితేనె మబ్బులయ్యి కురిసేదీ

మార్పుకోరి నడిచేందుకు బెరుకెందుకు నేస్తమా

ఉలిదెబ్బల కోర్వకుండ శిలలువెలుగు లీనవుగా

విజయాలను చేరలేని నడకెందుకు నేస్తమా

గమ్యమెంత కష్టతరమొ కవిశేఖరు డెరుగునులే

అడుగుముందు కేసినడువు అలుపెందుకు నేస్తమా

దీపావళి గజల్

 ప్రమిదలాగ వెలగాలని సాధనలే దీపావళి

తిమిరమంత తొలగాలని బోధనలే దీపావళి

సెగలురేపు చలిమంటల గిలిగింతలు పెట్టువేళ హిమసహితపు సంధ్యలన్ని వేదనలే దీపావళి

మనచుట్టూ నేడుకూడ అసురలింక ఉన్నరుగా

మనసునంటు రాక్షసగుణ భేదనలే దీపావళి

బతుకంతా తిమిరమోలె కష్టాలే మసురుతున్న

ప్రమిదవయ్యి వెలగాలనె బోధనలే దీపావళి

అమవసనిశి అమాంతమూ కవిశేఖరు కమ్మజూడ

దారిద్ర్యము బాపునట్టి శోధనలే దీపావళి

రాజశేఖర్ పచ్చిమట్ల

ఎదురీదుతు బతికేస్తా

 విధిరాతను ఎదురిస్తూ వీరుడిలా బ్రతికేస్తా

కష్టాలకు చిరునగవుతొ బదులిస్తూ బ్రతికేస్తా

బాధలు భేదించలేని పాషాణం నాహృదయం

రాతిగుండె కాఠిన్యం చూపిస్తూ బ్రతికేస్తా

సమస్యలే చుట్టుముట్టి సుడిగుండం రేపుతున్న

చేపలాగ వరదల్లో ఈదేస్తూ బ్రతికేస్తా

గెలుపు ఓటములు రెండూ గిలిగింతలు పెడుతున్నా

ఆశావహ నింగిలోన విహరిస్తూ బ్రతికేస్తా

కవనమంత మధుదారలు గావుగదా కవిశేఖర

కోకిలనై మధురకవిత వినిపిస్తూ బ్రతికేస్తా

ఓర్వలేనితనం

 నిన్నునీవు మార్చకోక ఇతరుల నిందించకండి

నాప్రగతిని ఓర్వలేక రాళ్లుమీరు రువ్వకండి

తలరాతలు మార్చాలని తరతరాల నాగమనం

నాపయనం నచ్చకుంటె  గోతులనే తవ్వకండి

నేటివసం తాన్నిచూసి

మనసుమబ్బు తేలియాడ

రేపటి గ్రీష్మాన్నితలచి పదేపదే వెరవకండి

జగతినంత పూలదారి నడిపించుటె నాధ్యేయం

అడుగడుగున నాపదముల ముళ్లకంప బరువకండి

రేపటిఆ ఉషోదయం కవిశేఖరు గాంచెనులే

ఆవెలుతురు చూడలేక జగతికనులు మూయకండి