అపూర్వమైనది బాల్యం
అపురూపమైనది బాల్యం
ఎంతెత్తుకెదిగినా కుదురైనది బాల్యం
సంఘర్షణలకు సాంత్వనం బాల్యం
ఊహలపిట్టగూడు బాల్యం
అలరించిన సీతాకోక బాల్యం
నింగిలపొడిసిన సింగిడి బాల్యం
గ్రీష్మమెరుగని వసంతం బాల్యం
అలలై విరిసే నురగలు బాల్యం
శరత్కాలపు చంద్రిక బాల్యం
మమతల కోవెల బాల్యం
మల్లెల అల్లిక బాల్యం
మధురాతిమధురం బాల్యం
మరుపురాని మరువలేని
ముత్యపుచిప్ప బాల్యం
No comments:
Post a Comment