గజల్

 ఆవసంత కోయిలమ్మ మూగవోయ నెందుకో

ఆపచ్చని ప్రకృతినేడు ఆకురాల్చె నెందుకో

మనిషిబతుకు యెండమావి నీటిచెమ్మ లేకున్నా

కోరికలే గుర్రాలై పరుగుదీయు నెందుకో 

వలపురాణి చెలిమిలేక వయసన్నది వాడుతున్న

ఆవసంత మాసాంతం విరహవేద నెందుకో

బంధాలే పాశాలై వేదనెంతొ పెడుతున్నా

అనుబంధపు ఆనవాల అన్వేషణ లెందుకో

 ఆకాసాన చుక్కలదొర వెలుగులెన్ని పంచినా

కవిశేఖరు మదిచీకటి కమ్ముకున్న దెందుకో