Monday, September 2, 2019

శీర్షిక: నింగిసొగసు



విశ్వమంతా వ్యాపించిన వినీలాకాశంలో
పిండారబోసేటి పండుముసలి జాబిల్లి
నింగిఅంచున వేలాడే నీలిమబ్బుల
మేనివిరిసిన హరివిల్లు

నల్లని చీకటితెరలోంచి తొంగిచూసె నవనీతపుబొట్ల నక్షత్రాలు

అన్నీ ఆకర్షణే!
మనసంతా పరవశమే!

నిండాదిబ్బరిచ్చిన నీటిఅలలపై
తుళ్లిపడే తుంటరి తూడుపూలు
ఊరచెర్వుకట్టమీద గోధూళిలో
సాగిపోయే ఆలమందలు
నిటారుతోకలతో నిండుసంతసంతో
గెంతుతూ రంకెలేసే
తుంటరి లేగదూడలు

అన్నీ ఆకర్షణే!
మనసంతా పరవశమే!

 రాజశేఖర్ పచ్చిమట్ల
03-09-19

No comments: