అర్థాంగి మనసు
అట్టడుగు పొరల్ని
పరికించి చూడగలిన
అర్థనారీశ్వరుడు తాను
కన్నీటిసంద్రపు
పేదల జీవితపు
చిట్టచివరి పేజీని
చదివిన మేధావి తాను
పెట్రేగిన పెట్టుబడిదారుల
మెడలు వంచి మెదిపే
బలహీన వర్గపు చేతికిమొలిచిన
అక్షరకరవాలము తాను
నిష్కల్మష పల్లెపడచు
కొంగుచాటు బతుకును
హొయలొలిలే నగర రంగసాని
కపట సావాసము చేసిన అలిశెట్టి
అలిశెట్టి అంటే అందమైన చిత్రం
అలిశెట్టి అంటే నిలకడలేని జీవితం
అలిశెట్టి అంటే కాలుతున్న క్రొవ్వత్తి
ఆతని కవిత్వం నిప్పుల కొలిమి!
No comments:
Post a Comment