గజల్

ఊగిఊగి ఉయ్యాల ఉన్నచోటనే ఆగెను
ఎగిరియెగిరి నామనసు దేహగూటికే చేరెను

రేయింబవలు ఆశలకై తమకముతో చెలరేగిన
కలలుదీరు దారిలేక మదిన కలతలే చేరెను

సత్యమేదో తెలుసుకోక స్వార్థముతో దోచేసిన
ఏసంపదలెంటరాక వల్లకాటికే చెరెను

ఆలుబిడ్డలన్నదమ్ము లనుబంధము పెనవేసిన
ప్రాణము దేహమునువీడి పరమాత్మనే చేరెను

మేదినీలో మహిమలన్ని గాంచలేరు జన శేఖర
మాయపొరలు చీల్చుకొని మహితకనులనే చేరెను

(మేదినిలో మహిమలన్ని గాంచునులే కవిశేఖర
 మాయపొరలు చీల్చుకొని మహితకనులనే చేరెను)