నిస్వార్థ శిల్పి

అమ్మ ఒడి వీడినంతనే
అక్కున జేర్చుకొని
ఆప్యాయతానురాగపు
ఆటపాటలతో  ఆదరించి
ఓరిమితో ఓనమాలు దిద్దించి
అలతియలతి మాటలతో
విలువలెన్నొ నేర్పించి
పసిప్రాయపు మది మురిసే
కథలతో గేయాలతో
మానవతను నేర్పించి
మనలను మనిషిని జేసి
కాఠిన్యముతో క్రమశిక్షణ నేర్పి
క్రమముగా లాలించి కరుణ జూపి
చదువుల సారాన్ని చక్కగనందించి
విలువలు నేర్పి వినయశీలిగమార్చి
శిష్యోన్నతిని జూసి గర్వపడతూ
మురిసి మైమరచి పోయె
నిరాడంబర శీలి 
నిస్వార్థ శిల్పి గురువు