విపంచి తన కుంచె విదిలించ
నక్కడక్కడ వడ్డ సిరా చుక్కలోలె
మండుటెండకు తనువు మాడుతున్న
పుడమి క్యాన్వాసుపై
ఆకురాల్చిన చెట్లు అంకురించి
పచ్చని చిగురుల పలుకరింప
మావిచివురులు తొడిగి మారాకువేసి
పుష్ప ఫల శోభితములయి పరిఢవించ
వేపలు చిగురించి విరబూసి
పుడమి తల్లికి పూల దుప్పటి గప్పి
ఆనందాతిశయముతో నలరారుతుండ
చిలుకల కులుకులలు
కోకిల కూతలు
పక్షుల కిలకిల రావాలతో
ప్రకృతి పరవశించ
సుఖదుఃఖాల సుందర
మేళవింపయిన జీవితాలను
తీపి పులుపు చేదు
వగరు లవణ కారము
ఆరు రుచుల అద్భుత పాయసమోలే
రసమయ మొనర్చి రంజిల జేసి
హలాహలము మింగి
అమృతమందించు హరుని వోలె
క్రొంగొత్త రాగాల కోటి ఆశలతో
మనుగడ సాగించు మానవాలి కంత
వెన్నుదన్నుగ నిల్చి
సకల సంతోషాలు జగతికినందించ
సుందర సుఖమయ స్వప్నిత
జీవితాన్నందించ వచ్చిన
హేవళంభికి
సాదర స్వాగతమ్ము !
- రాజశేఖర్ పచ్చిమట్ల
నక్కడక్కడ వడ్డ సిరా చుక్కలోలె
మండుటెండకు తనువు మాడుతున్న
పుడమి క్యాన్వాసుపై
ఆకురాల్చిన చెట్లు అంకురించి
పచ్చని చిగురుల పలుకరింప
మావిచివురులు తొడిగి మారాకువేసి
పుష్ప ఫల శోభితములయి పరిఢవించ
వేపలు చిగురించి విరబూసి
పుడమి తల్లికి పూల దుప్పటి గప్పి
ఆనందాతిశయముతో నలరారుతుండ
చిలుకల కులుకులలు
కోకిల కూతలు
పక్షుల కిలకిల రావాలతో
ప్రకృతి పరవశించ
సుఖదుఃఖాల సుందర
మేళవింపయిన జీవితాలను
తీపి పులుపు చేదు
వగరు లవణ కారము
ఆరు రుచుల అద్భుత పాయసమోలే
రసమయ మొనర్చి రంజిల జేసి
హలాహలము మింగి
అమృతమందించు హరుని వోలె
క్రొంగొత్త రాగాల కోటి ఆశలతో
మనుగడ సాగించు మానవాలి కంత
వెన్నుదన్నుగ నిల్చి
సకల సంతోషాలు జగతికినందించ
సుందర సుఖమయ స్వప్నిత
జీవితాన్నందించ వచ్చిన
హేవళంభికి
సాదర స్వాగతమ్ము !
- రాజశేఖర్ పచ్చిమట్ల
