విధిరాతను ఎదురిస్తూ వీరుడిలా బ్రతికేస్తా
కష్టాలకు చిరునగవుతొ బదులిస్తూ బ్రతికేస్తా
బాధలు భేదించలేని పాషాణం నాహృదయం
రాతిగుండె కాఠిన్యం చూపిస్తూ బ్రతికేస్తా
సమస్యలే చుట్టుముట్టి సుడిగుండం రేపుతున్న
చేపలాగ వరదల్లో ఈదేస్తూ బ్రతికేస్తా
గెలుపు ఓటములు రెండూ గిలిగింతలు పెడుతున్నా
ఆశావహ నింగిలోన విహరిస్తూ బ్రతికేస్తా
కవనమంత మధుదారలు గావుగదా కవిశేఖర
కోకిలనై మధురకవిత వినిపిస్తూ బ్రతికేస్తా
