సీసపద్యం
కోతిబట్టుకుతెచ్చి కొత్తపుట్టము గట్టి
కన్నకొడుకువలెను గాంచునతడు
అల్లరంతయుమాన్పి ఆటలెన్నోనేర్పి
జనముతోడనునిచె వనమువీడి
కర్రబుచ్చుకమిగుల గష్టపెట్టుటగాదు
మంచిబుద్ధులతోడ మించజేసె
సొంతబిడ్డలకన్న కొంతయెక్కువజూచు
వేలుబట్టినడుపు వెంటదిప్పు
బతుకు దెరువుకైతాను పరిత పించు
జేయుటెరుగడు పాపము జీవహింస
కోతి నాడించుటన్నది కూటి కొరకె
దాని యాటతోనెఘనత దక్కుతనకు
పచ్చిమట్ల రాజశేఖర్
పచ్చ నాకు తోడ హెచ్చుపె ర్గినచెట్టు
పక్షి జాతికంత వాస మయ్యె
కొమ్మరెమ్మలయ్యి కొలువు దీరినచెట్టు
జంతు జాతి కంత ఛాయ బంచె
మొక్కనాటినుండి మొగులంట బెరుగుతూ
విపులంగ లతలెల్ల విస్తరించె
నీరుబోయుకొలది నింగివై పుకెదిగి
పచ్చనా కులనెల్ల పరువదొడగె
పక్షమై చిగురించి వృక్షమై చెలువొంది
పక్షిజాతులకంత వాసమొసగె
పెరిగిపె రిగితాను పెద్దవృ క్షమ్మయి
జంతుకోటికిబంచె చలువఛాయ
(చెట్టుబెరుగుచుండు చెలగివి జృంభించి)
నిలువతలమునీయ నీడనిచ్చుటెగాదు
చెట్టుబెరిగి జనుల సేదదీర్చు
తన్నుతానుబెరిగి తనపరమ్మెంచక
పంచజేరు జనుల ఫలమునిచ్చు
1.
పేదరికమూ
పెద్దగురువే
ఎదురీదుట
నేర్పుతుందిగా
2.
సమస్యలు
సానబెడుతున్నయి
బతుకు వజ్రం
మెరుసిపోవాలని
3.
గూడు
సిన్నవోయింది
రెక్కలొచ్చిన
పక్షులు రావడం లేదని
4.
హలము
హలాహలం వర్షిస్తుంది
వడ్డించిన విస్తర్లను
మొలిపించేందుకు
5.
కవికులం
గులామయ్యింది
వంతవాడుడె
కవిత్వమయ్యింది
6.
రైతు
బురద గాలిస్తుండు
అన్నపు గింజల
ఆవిష్కరణ కోసం
సీసపద్యం:
ఉల్లాస మొసగెడు ద్యానమ క్కరలేదు
సౌరులొ ల్కుసుమవ ల్లరులులేవు
పట్టుప రుపులతో పడకల క్కరలేదు
మెత్తని దిండులు పొత్తులేదు
చేరిసే వలుజేయ చెలియల క్కరలేదు
వందిమా గదులతో పొందులేదు
జోకొడ్తు పాడేటి జోలలక్కరలేదు
వింజామ రలులేని వెలితిలేదు
నాన్న తనువె నాకు నాజూకు మంచమై
ఊపి రిగతి తీరు జోల లయ్యె
గుండెలయల దరువు గుట్టుగా జోకొట్ట
శేషసాయితీరు సేదదీరె
