సమస్యాపూరణం

సమస్య: స్నాన జపమ దేల జంధ్యమేల

పూరణం:
మనుషు లందు తాను మానవ తనునిల్పి
ప్రాణి కోటి కంత బంచి ప్రేమ
సకల ప్రాణు లందు సర్వేశు కనువార
స్నాన జపమ దేల జంధ్యమేల

గజల్

ఎగిసిపడే అలలెప్పుడు అలిసిపోవులే
ఎగబాకే కిరణమ్ములు అలసిపోవులే

చిట్టిచిట్టి పాదాలతో దూరాలను దాటుకుంటూ
బారులుతీరే చీమలు అలసిపోవులే

పరిపాలనపేరుతోటి ప్రజావంచన జేసెడు
దోపిడిదారులు యెప్పుడు అలసిపోరులే

సమాజరుగ్మతలను బాపి సమసమాజ స్థాపనకై
అహర్నిశలు శ్రమియించే సంస్కర్తలు అలసిపోరులే

సమాజంలొ తానుంటూ సర్వస్వము దోచుకుంటూ
అంచెలంచెలుగ యెదిగే పాలకవర్గం యెప్పుడు అలసిపోరులే

దేశప్రజల భవితకొరకు సాహిత్యము సృజియించే
కవిశేఖరు కలమెప్పుడు అలసిపోదులే

రుబాయీలు

కర్రూసిపోయిన నాగలి కన్నెర్రజేసింది
ముడుసులిరిగిన బండి మూలనగూసుంది
ఆధునిక వ్యవసాయపు తరీఖ జూసి
నాటి రైతు మొకాన నవ్వులు విరబూసినయి

రాష్ట్ర సాధనలోన రణరంగమయ్యింది
సకల జనుల చేత సాకారమయ్యింది
ప్రత్యేక రాష్ట్రమై ప్రజలకలలు పండేల
ప్రగతి మార్గంలోన పయనమయ్యింది

నీలోన లేనంటు తరచి  తా వెరిసింది
నాలోని తనరూపు జూసి మురిసింది
అర్దనారీశ్వరులమయ్యి జగతి దర్శింపగా
అణువణువు తనువంతా తాను మరిసింది

బతుకమ్మా!

తెలంగాణ సంస్కృతి బతుకమ్మా
తెలుగు ప్రజల హృదయార్తి బతుకమ్మా
తెలగణీయుల సంప్రదాయం బతుకమ్మా
తెలంగాణమట్టి పరిమళం బతుకమ్మా

నాడు మన బతుకులో భాగమై
తీరొక్క పూలతో సింగారిచ్చుకున్న బతుకమ్మా
నేడు ప్లాస్టిక్ పూలతో ఒళ్లంతా
మెరుస్తున్నా

సహజసౌరభ లేపనాలుడిగి కళదప్పింది బతుకమ్మ

 ఆడపడచులు చప్పట్లతో వంగిలేస్తూ

చూడముచ్చటగ ముదితల పాటలతో ఆడే పూలపండుగలో
పల్లె సంస్కృతి పరిమళించేది
తెలంగాణ కట్్ట్టుబొట్టుు

 తేటతెల్లమయ్యేది
కట్టుబొట్టుతో కనులవిందు జేసే
అలంకరణలు
కమ్మని రుచుల సత్తుపిండి వాయినాలు
అనుబంధపు దొంతరలై
అందమైన విరులై
బతుకమ్మ రూపమై
మనసులల్ల పదిలమై నిలిచే బతుకమ్మ

గుండెల్ని కుదేలు జేసే
డిజే సప్పుళ్ల మధ్య
శివసత్తులూగినట్టు
ఆధునిక పోకడల పేరుతో
ఆడిపాడే ఆటలతో
బతుకమ్మ  ఉనికికై పోరాడుతుంది
నాటి రూపానికై నానాపాట్లు పడుతున్నది

నాటి పెద్దమనుషుల పాటల్లేవు
నర్తిస్తూ ఆడేటి ఆటల్లేవు
కట్టుబొట్టు గనిపించని
ఆధునిక పడచుల జూసి
సిగ్గుతో ముఖం చాటేస్తుంది
నాతెలంగాణ
అల్లరి అరుపుల ఆటల జూసి
మౌనంగా రోదిస్తుంది నాతెలంగాణ

రుబాయీలు

జాతిగీతి జనులకంత వినిపించాడు
ఉవ్వెత్తున ఉద్యమాన్ని నడిపించాడు
వినీలాకాశంలో వికసించిన తారలాగ
విశ్వనేతయై గాంధీ కనిపించాడు


తుపాకులను చిరునవ్వుతో చిదిమేశాడు
అహింసయే ఆయుధంగ అడుగేశాడు
సహనానికి సాకారమై వివక్షలెన్నోదాటి
ప్రేమామృతాన్ని ప్రపంచానికి చవిచూపాడు

3.[11/2, 2:24 PM] Rajashekar Pachimatla: రుబాయి

కలిమి లేములవి కవలపిల్లలు
కష్టసుఖములవి కావడికుండలు
అదియెరుగని నరుని బ్రతుకు
అడుగడుగున సంఘర్షణలు
[11/2, 3:02 PM] Rajashekar Pachimatla:

4.బాల్యం మధురానుభూతుల పాలయేరు
యవ్వనం కొండలనుండి బారు సెలయేరు
గడిచిన క్షణమైన తిరిగి రాదనెరుంగక
ముదిమంత గతమునేలకో తలచేరు