గజల్ - 1

 ధేనువులో పరికించిన దైవరూపు తలపించును

రేణువులో పరికించిన మనిషిరూపు కనిపించును

కల్లోలపు సంద్రముగని మదికలవర పడకుసుమీ

అలలపైన ఊయలూగు కలలసాగు కనిపించును

పులుముకొన్న రాజకీయ పంకిలమ్ము మాయదుగద

హంసతీరు తరచిచూడ పాలునీరు కనిపించును

కుక్కతోక వంకరంటు లోకరీతి వల్లించక

సాధించగ పూనుకుంటే పెనుమారుపు కనిపించును

తలరాతని నిందించగ ఫలమదేమి కవిశేఖర

చిక్కులెన్నొ విడదీసిన మంచిబతుకు కనిపించును