Monday, January 6, 2020

మూడురంగుల జెండా

శీర్షిక: మూడురంగుల జెండా
రచయిత పేరు: పచ్చిమట్ల రాజశేఖర్
పల్లవి:
మూడురంగుల జెండా ముచ్చటైన మన జెండా
భరతమాత శిరముపైన రెపరెపలాడే జెండా
చ1.
తరతరాల బానిసత్వ సంకెళ్లను తొలగించిన
త్యాగధనుల గుండెనిండ
ధైర్యము నింపిన జెండా
చ2.
సైరికులతో సైనికులతో
సంప్రదాయ విలువలతో
ఆకాశపు అంచులలో
అలరారెను మనజెండా
చ3.
ఆసేతు హిమాచలము అణువణువూ తడిసేలా
మానవతా పరిమళాలు
మదిపులిమిన మన జెండా
చ4.
అస్త్రశస్త్ర విలువిద్యలో ఆరితేరిన యోధుల
అహింసనే ఆయుధంగా గెలుపొందిన మన జెండా
చ5.
కులమతాలు వర్ణవర్గ విభేదాలు యెన్నున్నా
భారతీయసూత్రంతో బంధించిన మన జెండా

గోపులాపూర్ గ్రామం
జగిత్యాల జిల్లా
9676666353

No comments: