మట్టి పొరల్లో పురుడోసుకున్న మేలిమి ముత్యం
దుబ్బతో దోబూచులాడిన పగడం
యెల్లవారలకు తల్లైన ఉల్లి
తల్లికన్నా హితైషిగా తళూకులీలిన ఉల్లి
వారసంత పెద్దర్వాజ కటూఇటూ ఉండి
అందరినీ స్వాగతించిన ఉల్లి
ధనగర్వంతో అందరికీ దూరమైతున్నది
మట్టితో మమైకము నెడవాసి
మనిషితో మమకారము నంటువాసి
పుడమి పొత్తిళ్ల నొదిలి
దినదిన ప్రవర్థమై
ఇంతింతై వటుడింతై
మబ్బుల కెగబాకి
గగన విహారియై గర్వపడుతున్నది ఉల్లి
తల్లితనాన్ని మరిచిన ఉల్లినిజూసి తల్లడిల్లుతుంది జనం!
చుక్కలకెగబాకిన సక్కనమ్మకై బిక్కుబిక్కుమంటూ బెంగటిల్లుతుంది జనం!
No comments:
Post a Comment